الوش الجامد والقرنين
علامات للكفرة التتاريين
يحرقوا فى بلاد.. يقتلوا فى عباد
من سور بغداد لما فلسطين
جنكيز وهولاكو وغيره كتير
نازلين تكسير نازلين تدمير
ولا رحمة تحوش ولا أى ضمير
والرعب يحاوط ف الملايين
وبطلنا قطز والمولى معاه
جهّز فى جيوش مؤمنة بالله
أهلا بالموت وابعدى يا حياه
يا نموت يا نعيش رافعين الدين
وف (عين جالوت ) قطز المغوار
وجنوده بيتحدّوا الأخطار
ولا قامت قومة لأى تتار
من يومها لغاية يوم الدين
وسؤالنا اللى بنسألكوا عليه
من غير جرى إيه أو فين أو ليه
الإسم الأصلى لقطز إيه
ورّونا بقى اللى يجاوب مين؟؟
ليست هناك تعليقات:
إرسال تعليق